കണ്ണൂർ : ജില്ലയില് രണ്ട് കുട്ടികള്ക്ക് ഷിഗെല്ല സ്ഥിരീകരിച്ചു. മൊകേരി പഞ്ചായത്തിലെ നാലും എട്ടും വയസുള്ള രണ്ട് ആണ്കുട്ടികള്ക്കാണ് രോഗം സ്ഥിരീകരിച്ചത്. നിലവില് രോഗബാധിതരായ കുട്ടികളുടെ ആരോഗ്യ സ്ഥിതി തൃപ്തികരമാണ്. കൂത്തുപറമ്പ് എംഎല്എ പികെ പ്രവീണിന്റെ നേതൃത്വത്തില് ഇന്ന് അടിയന്തര യോഗം ചേരും. അടിയന്തര സാഹചര്യം കണക്കിലെടുത്താണ് യോഗം ചേരുന്നത്. പ്രദേശവാസികള്ക്ക് ജില്ലാ ആരോഗ്യ വിഭാഗം ജാഗ്രതാ നിര്ദേശം നല്കിയിട്ടുണ്ട്.
അതേസമയം കഴിഞ്ഞ ദിവസം ഷിഗെല്ല ബാധിച്ച് രണ്ട് മരണമാണ് റിപ്പോര്ട്ട് ചെയ്തത്. തൃശൂരില് പനി ബാധിച്ച് മരിച്ച മാപ്രാണം സ്വദേശിയായ 43കാരന് ഷിഗെല്ല ബാധിച്ചതായി കണ്ടെത്തിയിരുന്നു. തൃശൂര് മെഡിക്കല് കോളേജില് നടത്തിയ പോസ്റ്റുമോര്ട്ടത്തിലാണ് ഷിഗെല്ല സ്ഥിരീകരിച്ചത്. ഇയാൾ കൊടകരയിലെ ആശുപത്രിയില് ചികിത്സയിലായിരുന്നു. ഇതുവരെ സംസ്ഥാനത്ത് നാല് പേരാണ് ഷിഗെല്ല ബാധിച്ച് മരിച്ചത്. ഇന്നലെ രാവിലെ കോഴിക്കോട് മെഡിക്കല് കോളേജ് ആശുപത്രിയില് ചികിത്സയില് കഴിഞ്ഞിരുന്ന ഏഴ് വയസുകാരനും രോഗം ബാധിച്ച് മരിച്ചിരുന്നു. മലപ്പുറം പൂക്കോട്ടൂര് സ്വദേശിയായ വിദ്യാര്ത്ഥിയാണ് മരിച്ചത്. 110ല് അധികം പേര്ക്കാണ് ഈ വര്ഷം സംസ്ഥാനത്ത് രോഗം സ്ഥിരീകരിച്ചത്.
إرسال تعليق