വരാനിരിക്കുന്ന തിരഞ്ഞെടുപ്പിൽ യുഡിഎഫിനെ വിജയിപ്പിക്കുക എന്നതല്ലാതെ തനിക്ക് മറ്റൊരു ആഗ്രഹവും ഇല്ലെന്ന് ശശി തരൂർ എംപി. ഞങ്ങളുടെ ഡീൽ ജനങ്ങളുമായാണ്. ബിജെപിക്ക് ആഗ്രഹം സിപിഐഎം ഭരണത്തിൽ വരുന്നതാണെന്നും ശശി തരൂർ എംപി വ്യക്തമാക്കി. തിരഞ്ഞെടുപ്പ് കാലത്ത് പാർട്ടികൾക്കുള്ളിൽ പ്രശ്നമുണ്ടാവുക സ്വാഭാവികം. എന്നാൽ അത് കഴിഞ്ഞപ്പോൾ ഇത്തവണ കോൺഗ്രസ് ഐക്യത്തോടെ മുന്നോട്ട് പോകുന്നു. എല്ലാവരും എല്ലാത്തിലും സന്തുഷ്ടർ അല്ലെങ്കിലും പാർട്ടിയെടുത്ത തീരുമാനത്തിനൊപ്പം നിന്ന് പ്രവർത്തിക്കാൻ അവർ തയ്യാറായി എന്നും അദ്ദേഹം വ്യക്തമാക്കി.
യുഡിഎഫ് ജയിക്കുക കേരളത്തിന്റെ ആവശ്യമാണ്. ഞങ്ങൾ ജയിക്കാനാണ് ഇറങ്ങിയിരിക്കുന്നത്. എവിടെപ്പോയാലും ധൈര്യവും ആത്മവിശ്വാസവും പ്രവർത്തകരിൽ കാണുന്നു. എംഎൽഎമാരുടെ അഭിപ്രായം നോക്കിയ ശേഷം ഹൈക്കമാൻഡ് ആണ് മുഖ്യമന്ത്രിയെ തീരുമാനിക്കുകയെന്നും അദ്ദേഹം വ്യക്തമാക്കി. മൂന്നോ നാലോ പേരുകൾ മുഖ്യമന്ത്രി സ്ഥാനത്ത് ഉയർന്നു കേൾക്കുമ്പോൾ അതിനർത്ഥം സ്ഥാനാർത്ഥികൾ കഴിവുള്ളവരാണെന്നല്ലേ. എനിക്ക് യുഡിഎഫിന് ജയിപ്പിക്കുക എന്നതല്ലാതെ മറ്റൊരാഗ്രഹവും ഇല്ല. പക്ഷേ യുഡിഎഫ് അധികാരത്തിൽ വന്നാൽ അതിൽ എനിക്ക് അഭിപ്രായം പറയാനുള്ള സ്വാധീനം ഉണ്ടാകുമെന്നും അദ്ദേഹം കൂട്ടിച്ചേർത്തു.
إرسال تعليق