ഏറെക്കാലത്തിന് ശേഷം നിവിൻ പൊളി വീണ്ടും ബോക്സ്ഓഫീസിൽ വമ്പൻ തിരിച്ചു വരവ് നടത്തിയ സർവ്വം മായയിലെ പുതിയ ഗാനം റിലീസ് ചെയ്തു. അഖിൽ സത്യൻ സംവിധാനം ചെയ്ത ഹൊറർ കോമഡി ചിത്രത്തിന് സംഗീതമൊരുക്കിയിരിക്കുന്നത് ജസ്റ്റിൻ പ്രഭാകരൻ ആണ്. തമിഴിൽ നിരവധി ഹിറ്റ് ഗാനങ്ങൾ സൃഷ്ട്ടിച്ച ജസ്റ്റിൻ ഹൃദയപൂർവ്വം എന്ന സത്യൻ അന്തിക്കാട്-മോഹൻലാൽ ചിത്രത്തിന് ശേഷം മകൻ അഖിൽ സത്യന് വേണ്ടിയും മനോഹര ഗാനങ്ങളാണ് ഒരുക്കിയിരിക്കുന്നത്. ‘പുതു മഴ’ എന്ന ഗാനത്തിന് നിലവിൽ 5 ലക്ഷത്തിലധികം കാഴ്ചക്കാരെ സ്വന്തമാക്കാൻ കഴിഞ്ഞിട്ടുണ്ട്. ശക്തി ശ്രീ ഗോപാലൻ ആലപിച്ച ഗാനത്തിന്റെ വരികളൊരുക്കിയിരിക്കുന്നത് മനു മഞ്ജിത്താണ്. ഗാനരംഗത്തിൽ നിവിൻ പോളിയും റിയ ഷിബുവും തമ്മിലുള്ള രംഗങ്ങളാണ് ഉൾപ്പെടുത്തിയിരിക്കുന്നത്.
നിവിൻ പോളിക്കും റിയ ഷിബുവിനുമൊപ്പം, അജു വർഗീസ്, പ്രീറ്റി മുകുന്ദൻ, ജനാർദ്ദനൻ തുടങ്ങിയ വമ്പൻ താനിരയും സർവ്വം മായയിൽ അണിനിരക്കുന്നുണ്ട്. സർവ്വം മായ ഇതിനകം 50 കോടി ക്ലബ്ബിൽ ഇടം നേടി കഴിഞ്ഞു. ഏറെ കാലത്തിനു ശേഷം വമ്പൻ ബോക്സോഫീസ് വിജയങ്ങൾ നേടാനാകാതെ പോയ നിവിൻ പോളിയുടെ വമ്പൻ തിരിച്ചുവരവ് ആണ് ചിത്രമെന്നാണ് ചിത്രം കണ്ടിരുങ്ങുന്ന ഓരോ പ്രേക്ഷകന്റെയും അഭിപ്രായം.
إرسال تعليق