തിരുവനന്തപുരം: ആധാർ കാർഡിന്റെ രൂപം പാടെ മാറാൻ ഒരുങ്ങുന്നു. ഡിസംബർ 1 മുതല് നിലവില് വരുന്ന പുതിയ സംവിധാനം അനുസരിച്ച്, ആധാർ കാർഡില് ഇനി ഫോട്ടോയും ക്യു.ആർ. കോഡും മാത്രമായിരിക്കും പ്രധാനമായും ഉണ്ടാകുക.
യൂണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) കൊണ്ടുവരുന്ന ഈ മാറ്റത്തിലൂടെ, പേര്, വിലാസം, 12 അക്ക ആധാർ നമ്ബർ എന്നിവയുള്പ്പെടെയുള്ള വ്യക്തിഗത വിവരങ്ങള് ക്യു.ആർ. കോഡില് സുരക്ഷിതമായി എൻക്രിപ്റ്റ് ചെയ്യപ്പെടും.
പ്രധാന മാറ്റങ്ങള് ഒറ്റനോട്ടത്തില്
കാർഡില് ഇനി ഫോട്ടോയും ക്യു.ആർ. കോഡും മാത്രം.
വ്യക്തിവിവരങ്ങള് ക്യു.ആർ. കോഡിനുള്ളില് മറഞ്ഞിരിക്കും.
ഡിജിറ്റല് ഉപയോഗം നിർബന്ധമാക്കും.
വ്യാജ ആധാർ നിർമ്മാണവും തട്ടിപ്പും തടയുകയാണ് ലക്ഷ്യം.
പുതിയ കാർഡിന്റെ ഫോട്ടോകോപ്പി അനുവദിക്കില്ല.
ആവശ്യക്കാർക്ക് ക്യു.ആർ. കോഡ് സ്കാൻ ചെയ്ത് ആവശ്യമായ വിവരങ്ങള് മാത്രം ലഭ്യമാക്കാം. (ഉദാഹരണത്തിന്: പേരും ഫോട്ടോയും മാത്രം.
പുതിയ ആധാർ ഡൗണ്ലോഡ് ചെയ്യുന്നത് എങ്ങനെ?
ഡിസംബർ ഒന്നു മുതല് പുതിയ കാർഡ് ഡൗണ്ലോഡ് ചെയ്യുന്നതിനായുള്ള മൊബൈല് ആപ്പ് നിലവില് വരും.
ആൻഡ്രോയിഡ് ഫോണില് ഗൂഗിള് പ്ലേ സ്റ്റോറിലും, ഐഫോണില് ആപ്പിള് സ്റ്റോറിലും നിന്നും ‘Aadhaar’ എന്ന് ടൈപ്പ് ചെയ്ത് ആപ്പ് ഡൗണ്ലോഡ് ചെയ്യുക.
ആധാർ നമ്ബർ നല്കുക.
ലിങ്ക് ചെയ്ത മൊബൈലില് വരുന്ന ഒ.ടി.പി. ഉപയോഗിച്ച് വിവരങ്ങള് വെരിഫൈ ചെയ്യുക.
മുഖത്തിന്റെ ചിത്രം സ്കാൻ ചെയ്ത് ആധികാരികത ഉറപ്പാക്കുക.
ആറക്ക പിൻ നല്കുന്നതോടെ ആധാർ ഉപയോഗിച്ചു തുടങ്ങാം.
ശ്രദ്ധിക്കുക: പുതിയ ആപ്പില് നിന്നും സ്ക്രീൻഷോട്ട് എടുക്കാനോ പ്രിന്റ്h ചെയ്യാനോ കഴിയില്ല.
കുടുംബാംഗങ്ങള്ക്കും ഒരു ഫോണില്
ഒരു മൊബൈല് ഫോണ് നമ്ബറില് ഡൗണ്ലോഡ് ചെയ്യുന്ന ആപ്പിലൂടെ കുടുംബത്തിലെ അഞ്ചുപേരുടെ ആധാർ വരെ കൈകാര്യം ചെയ്യാം. സ്മാർട്ട് ഫോണ് ഇല്ലാത്തവർക്കും ഇതുവഴി ആധാർ ഉപയോഗിക്കാൻ സാധിക്കും. ഇതിനായി എല്ലാ കാർഡുകളും ഒരേ ഫോണ് നമ്ബറില് രജിസ്റ്റർ ചെയ്യണം
നിലവിലെ കാർഡ് ഉടൻ അസാധുവാകുമോ?
സമ്ബൂർണ്ണമായി പുതിയ സംവിധാനം വരുന്നതുവരെ നിലവിലെ കാർഡ് ഉപയോഗിക്കാം. അതിനുശേഷം മാത്രമേ നിലവിലെ കാർഡ് അസാധുവാക്കൂ. മാർഗ്ഗനിർദ്ദേശങ്ങള് UIDAI പിന്നീട് പുറപ്പെടുവിക്കും.
إرسال تعليق