കോഴിക്കോട്: താമരശ്ശേരി ചുരത്തിലെ ആറാംവളവില് നവീകരണ പ്രവർത്തനങ്ങള്ക്കിടെ താഴ്ചയിലേക്കു മറിഞ്ഞ എസ്കവേറ്റർ ഉയർത്തിയെടുക്കുന്നതിനായി ഇന്ന് ചുരത്തില് പകല് ഗതാഗ തനിയന്ത്രണമുണ്ടാകും. രാവിലെ പത്തിനും വൈകീട്ട് അഞ്ചിനുമിട യിലുള്ള സമയത്തായിരിക്കും പ്രവൃത്തി നടക്കുക.
സംരക്ഷണഭിത്തിയുടെ നിര്മ്മാണ പ്രവൃത്തിക്കിടയിലാണ് തിങ്കളാഴ്ച ഉച്ചയ്ക്ക് എസ്കവേറ്റർ നിയന്ത്രണംവിട്ട് താഴ്ചയിലേക്കു പതിച്ചത്.
ഭാരവാഹനങ്ങള്ക്കും മള്ട്ടി ആക്സില് വാഹനങ്ങള്ക്കും ചുരത്തില് പൂർണനിയന്ത്രണവും മറ്റു വാഹനങ്ങള്ക്ക് ഭാഗികനിയന്ത്രണവും ഏർപ്പെടുത്തുമെന്ന് പൊതുമരാമത്ത് വകുപ്പ് അസിസ്റ്റന്റ് എൻജിനിയർ അറിയിച്ചു.
ഒൻപതാംവളവില് പുതിയ കൈവരിയൊരുക്കുന്നതിൻ്റെ തുടർപ്രവൃത്തിയും ഇന്ന് നടക്കും. വ്യൂ പോയിൻ്റില് പാറയിടിഞ്ഞ ഭാഗത്ത് ഗാബിയോണ് നെറ്റ് ഇടുന്ന പ്രവൃത്തിയാണ് നടക്കുക.
Post a Comment