കോണ്ഗ്രസിലെ മുഖ്യമന്ത്രി ചർച്ചയില് കെ സി വേണുഗോപാലിനെ പുകഴ്ത്തി വെള്ളാപ്പള്ളി നടേശൻ. തിരഞ്ഞെടുപ്പില് പിന്നണിയില് നിന്ന് എല്ലാം ചെയ്തത് കെ സി വേണുഗോപാലാണ്.
വി ഡി സതീശൻ പ്രവർത്തിച്ചത് മുഴുവൻ ടെലിവിഷനില് മാത്രമെന്നും വിമർശനം. രമേശ് ചെന്നിത്തലയെ അപ്രസക്തൻ ആക്കാൻ സാധിക്കില്ലെന്നും വെള്ളാപ്പള്ളി നടേശൻ പറഞ്ഞു.
കെ സി വേണുഗോപാല് അയോഗ്യനാണ് എന്ന് താൻ പറയില്ല. ആരാണ് യോഗ്യൻ എന്നും പറയില്ലെന്ന് വെള്ളാപ്പള്ളി നടേശൻ പറഞ്ഞു. കോണ്ഗ്രസിന്റെ അത്യുന്നത പദങ്ങളില് ഇരുന്ന് പാരമ്പര്യമുള്ള നേതാവാണ് രമേശ് ചെന്നിത്തല. ജയിച്ചു വന്നാല് കോണ്ഗ്രസിലെ എല്ലാവരും മുഖ്യമന്ത്രിയാകാൻ യോഗ്യരാണെന്നും വെള്ളാപ്പള്ളി നടേശൻ പറഞ്ഞു. ശബരിമലയിലെ ഈ ഡി അന്വേഷണത്തിലും അദേഹം പ്രതികരിച്ചു. ഈ ഡി അന്വേഷണം തിരഞ്ഞെടുപ്പ് കഴിയുമ്പോള് എല്ലാം അവസാനിക്കുമെന്ന് നേരത്തെ താൻ പറഞ്ഞതാണ്. അവസാനം അന്വേഷണവും ഉണ്ടാകില്ല സ്വർണവും ഉണ്ടാകില്ലെന്ന് അദേഹം കൂട്ടിച്ചേർത്തു.
അതേസമയം വീണ്ടും ന്യൂനപക്ഷങ്ങള്ക്കെതിരെ വെള്ളാപ്പള്ളി നടേശൻ വർഗീയ പരാമർശം നടത്തി. മുസ്ലിം വിഭാഗം സംഘടിച്ച് ശക്തരായി സന്പത്തും അവകാശങ്ങളും കൊണ്ടുപോയെന്ന് വെള്ളാപ്പള്ളി നടേശൻ പറഞ്ഞു. ക്രിസ്ത്യൻ സമുദായത്തിലെ സിസ്റ്റർമാർക്ക് ജീവിക്കാൻ പറ്റാത്തത് കൊണ്ടാണോ പെൻഷൻ കൊടുക്കാൻ പോകുന്നതെന്നും വെള്ളാപ്പള്ളി നടേശന്റെ പരാമർശം. മാധ്യമങ്ങള് വല്ലാതെ വേട്ടയാടിയെന്നും കുഴപ്പിക്കാൻ നോക്കിയെന്നും വെള്ളാപ്പള്ളി നടേശൻ കുറ്റപ്പെടുത്തി. പ്രായം ഉണ്ടെങ്കിലും നല്ല ബോധം ഇപ്പോഴും ഉണ്ടെന്നും വെള്ളാപ്പള്ളി നടേശൻ പറഞ്ഞു.
Post a Comment