തൃശൂർ: തൃശൂർ വാടാനപ്പള്ളിയില് ബിജെപി കിറ്റ് വിതരണം നടത്തി എന്നാരോപിച്ച് യുഡിഎഫ് നടത്തിയ പ്രതിഷേധത്തില് സംഘര്ഷം.
യുഡിഎഫ് സ്ഥാനാര്ത്ഥി ടി എന് പ്രതാപന് ഉള്പ്പടെയുള്ള യുഡിഎഫ് പ്രവര്ത്തകരെ പൊലീസ് അറസ്റ്റ് ചെയ്ത് നീക്കി. പ്രദേശത്ത് പൊലീസും പ്രതിഷേധക്കാരും തമ്മില് ഉന്തും തള്ളുമുണ്ടായി.
കിറ്റ് നല്കിയവര് ഇപ്പോഴും പുറത്താണെന്നും പ്രശ്നം ചൂണ്ടിക്കാട്ടിയവരെ അകത്താക്കുന്നുവെന്നും ടി എന് പ്രതാപന് വിമര്ശിച്ചു. യുഡിഎഫ് പ്രതിഷേധത്തിനെതിരെ രംഗത്തെത്തിയ ബിജെപി പ്രവര്ത്തകരെയും പൊലീസ് അറസ്റ്റ് ചെയ്തു.
വാടാനപ്പിള്ളിയില് വോട്ടർമാരെ സ്വാധീനിക്കാൻ ബിജെപി ഭക്ഷ്യകിറ്റ് നല്കിയെന്ന ആരോപണം കടുപ്പിക്കുകയാണ് കോണ്ഗ്രസ്. പ്രദേശത്തെ വ്യാപാരിയുടെ ഗോഡൗണില് നിന്ന് സാധനം കടത്താൻ ശ്രമിച്ചെന്നും കോണ്ഗ്രസ് ആരോപിക്കുന്നു.
Post a Comment