മിക്ക വീടുകളിലും എപ്പോഴും ഫ്രിഡ്ജിൽ ഒന്നോ രണ്ടോ പാക്കറ്റ് പാൽ ഉണ്ടായിരിക്കും. എന്നാൽ ഫ്രിഡ്ജിൽ സൂക്ഷിക്കുന്ന പാലും ചില സമയങ്ങളിൽ കേടാവാറുണ്ടല്ലേ, ഇനി ആ ടെൻഷൻ വേണ്ട ഈ കാര്യങ്ങൾ ശ്രദ്ധിച്ചാൽ മതി.
എത്ര നാൾ വരെ പാൽ ഇങ്ങനെ സൂക്ഷിക്കാം
പാല് വാങ്ങി പാക്കറ്റ് പൊട്ടിച്ചാൽ സാധാരണ ഫ്രിഡ്ജിൽ സൂക്ഷിക്കുബോൾ നാല് മുതൽ ഏഴ് ദിവസത്തിനുള്ളിൽ പാല് ഉപയോഗിച്ചു തീർക്കേണ്ടതാണ്. എയർ ടൈറ്റ് ആയ ഗ്ലാസ് കുപ്പിയിലോ കണ്ടെയ്നറിലോ വേണം പാല് സൂക്ഷിച്ചു വയ്ക്കാൻ. പാത്രത്തിൽ പാൽ ഒഴിച്ചു വയ്ക്കുമ്ബോൾ പാത്രം ഫുൾ നിറയരുത്.
എപ്പോഴും കുറച്ച് സ്ഥലം ഒഴിഞ്ഞു കിടക്കുന്ന രൂപത്തിലാവണം പാൽ ഒഴിക്കേണ്ടത്. അതായത് മുകളിൽ 11.5 ഇഞ്ച് വരെ സ്പെയ്സ് വെറുതെയിടണമെന്ന്. കാരണം ഫ്രീസ് ചെയ്യുമ്ബോൾ മറ്റേത് ദ്രാവകം പോലെ പാലും വികസിച്ചു വരുന്നതാണ്. ഇതിനു മാത്രം സ്പെയ്സ് പാത്രത്തിന് അകത്തില്ലെങ്കിലും കുപ്പി പൊട്ടിപ്പോകുന്നതാണ്.
ഫ്രിഡ്ജിൽ മത്സ്യമോ മാംസമോ സൂക്ഷിച്ചിട്ടുണ്ടെങ്കിൽ അവയുടെ ഗന്ധം പാല് എളുപ്പത്തിൽ പിടിച്ചെടുക്കുന്നതാണ്. പിന്നീട് തണുപ്പ് വിടുമ്ബോൾ മാത്രമേ നമുക്കിത് തിരിച്ചറിയാനാവുകയുള്ളൂ. അതുകൊണ്ട് തന്നെയാണ് വൃത്തിയായി അടച്ച് സൂക്ഷിക്കണമെന്ന് പറയുന്നത്. ഫുൾ ഫാറ്റ് മിൽക്കിനെക്കാൾ ഫ്രീസർ ലൈഫ് കൂടുതൽ ഉള്ളത് സ്കിംഡ് മിൽക്കിനാണ്.
എങ്ങനെ ഫ്രീസ് ചെയ്തു സൂക്ഷിക്കാം
നിങ്ങളുടെ ഫ്രിഡ്ജിലെ ഐസ് ക്യൂബ്സ് വയ്ക്കുന്ന ട്രേകളിൽ പാൽ നിറച്ചുവയ്ക്കാവുന്നതാണ്. ഒന്ന് ഫ്രീസായ ശേഷം ട്രേ റീ സീലബിൾ പ്ലാസ്റ്റിക് ബാഗിലേക്ക് മാറ്റിക്കൊടുക്കാം. ആവശ്യമുള്ളപ്പോൾ, അതിന് അനുസരിച്ചുള്ള കണക്ക് പാല് ക്യൂബുകളെടുക്കുകയും ചെയ്യാം. ബാക്കി അവിടെ തന്നെ വച്ചു പിന്നീടുപയോഗിക്കുകയും ആവാം.
പരമാവധി പാല് ഡീഫ്രോസ്റ്റ് ചെയ്യുന്നത് ഫ്രിഡ്ജിന് അകത്ത് തന്നെ വച്ചിരിക്കണം. റൂം ടെംബറേച്ചറിൽ പെട്ടെന്ന് എടുത്തു വയ്ക്കുംബോൾ അതിലെ ബാക്ടീരിയൽ വളർച്ച കൂടുതലാകാനുള്ള സാധ്യതയുണ്ട്. ഈ പാല് ഒരുപക്ഷേ ആരോഗ്യപ്രശ്നങ്ങളും ഉണ്ടാക്കിയേക്കാം.
Post a Comment