മുണ്ടക്കയത്ത് ശബരിമല തീര്‍ത്ഥാടകരുടെ വാഹനം മതിലില്‍ ഇടിച്ച്‌ അപകടം; പരിക്കേറ്റ തീര്‍ത്ഥാടകരെ ആശുപത്രിയിലേക്ക് കൊണ്ടുപോയ വാഹനവും അപകടത്തില്‍പ്പെട്ടു

മുണ്ടക്കയം: ശബരിമല തീർത്ഥാടകരുടെ വാഹനം അപകടത്തില്‍പ്പെട്ടു. മുണ്ടക്കയം അമരാവതിയിലാണ് അപകടം ഉണ്ടായത്. 

തീർത്ഥാടകരുടെ വാഹനം മതിലില്‍ ഇടിച്ചുകയറുകയായിരുന്നു. കർണാടകയില്‍ നിന്നുള്ള തീർത്ഥാടകരാണ് വാഹനത്തില്‍ ഉണ്ടായിരുന്നത്. 

പരിക്കേറ്റ തീർത്ഥാടകരെ ആശുപത്രിയിലേക്ക് കൊണ്ടുപോയ വാഹനവും മറ്റൊരു വാഹനത്തില്‍ ഇടിച്ച്‌ അപകടം ഉണ്ടായി. പരിക്കേറ്റവരെ ആശുപത്രിയിലേക്ക് മാറ്റി.